Da Fensdastog Dschassddin

Verse 1:
Znaxt hod eam sei Diandal a Briafal hoamgschrimm
Warum er denn nimma ins Facebook neikimmd
Is denn s’Inddanädd hi,
Dassa gar nimma kimmd
Hollariadeidiehollaradiejo

Verse 2:
Er war grod beim Fuadgeh, wias Händy vibriad,
Vor laudda Rausch häddas boid gar ned gspiad
Er hod a Goassei konsumiad
Na hods Händy vibriad

Verse 3:
Mei do häddsn seng soin, wiara sie schind
Bis dassa bsuffn wiara war des bliads Händy moi find
D’Leid hamm gmoand dassa spinnd,
Aso hoda sie gschind,

Verse 4:
Und wiaras na ghabd hod, do wundadsn no,
Dassa de Nachrichd kahm gscheid lesn ko,
Der wundad sie no
Noch 12 Goaßei vastäh I des scho,

Verse 5:
Er hod d’Nachrichd zwar glesn doch es war eam wurscht,
Aufs Dianei is gschissn, heid hoda an Durscht
Heid is eam ois wurscht,
Heid hoda an Durscht

Verse 6:
Doch wiadn a Späzl in da Fria na hoamdroggd
Jessas, do hod eam s’Gwissn so bloggd
Vor da Hausdia isa ghoggd
As Gwissn hodn bloggd

Verse 7:
Da Entschluss, des wissds säim, is im Rausch schnäi zur Hand
Es regierd hoid da Alkohol, ned da Verstand
Des hod scho manch oana gspannd,
Do fäids am Verstand

Verse 8:
Mimm Diandl muassa dschäddn, auf Brecha und Biang
So isa hoid hindde gwaggld zur Stiang
Auf olle viern
So isa hindde zur Stiang

Verse 9:
Mied ledsda Graffd schoid er an Kombiudda glei oh
Sei Diandl is um de Zeid nadialich ned do
As Herz hod eam wäh do
Iadz is de ned do

Verse 10:
Es hodn beidld und gschüddld, es war wirggle schlimm
Dann hoda sei neis Äbbl-Mägg-Bugg daschbimm
Sei Kumma war schlimm
Desweng hoda woi gschbimm

Verse 11:
Drumm Buama seids gscheid und merggds eich oans
Suachds de Diandl ned im Internet, do find ma koans
Seids es aa aloans
Do finds es koans